Sunday, April 11, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

وزیر اعظم عمران خان دو روزہ دورہ پر ملائیشیا پہنچ گئے

وزیر اعظم عمران خان دو روزہ دورہ پر ملائیشیا پہنچ گئے
February 4, 2020
 کولالمپور (92 نیوز) وزیر اعظم عمران خان دو روزہ دورہ پر ملائیشیا پہنچ گئے۔ وزیر خارجہ شاہ محمود قریشی، اسد عمر اور عبدالرزاق داؤد بھی ان کے ہمراہ ہیں۔ عمران خان اپنے ہم منصب مہاتیر محمد سے ملاقات کریں گے ۔ اہم معاہدوں اور مفاہمت کی یاد داشتوں پر دستخط کریں گے۔ دونوں رہنما مشترکہ پریس کانفرنس  بھی کریں گے۔ وزیرخارجہ شاہ محمود قریشی، وزیر منصوبہ بندی اسد عمر اور مشیر تجارت عبدالرزاق داؤد سمیت دیگر اہم شخصیات بھی انکے ہمراہ ہیں۔ عمران خان اور ملائیشین وزیراعظم مہاتیر محمد کی ون آن ون  ملاقات اور دونوں وزرائے اعظم کے وفود کی سطح پر مذاکرات بھی ہوں گے۔ ملاقاتوں کے دوران سیاسی، تجارتی اور سفارتی تعلقات کو فروغ دینے پر بات چیت کی جائے گی۔ خوراک کی ضروریات، تجارت اور سیاحت سمیت پاکستانی افرادی قوت ملائیشیا بھجوانے سے متعلق بھی تبادلہ خیال کیا جائے گا۔وزیراعظم عمران خان ملائیشین ہم منصب کے ہمراہ مشترکہ پریس کانفرنس بھی کریں گے۔