Wednesday, November 25, 2020
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

وزیرِ اعظم کی کورونا کے باعث صنعتی شعبے کو درپیش مسائل حل کرنے کی ہدایت

وزیرِ اعظم کی کورونا کے باعث صنعتی شعبے کو درپیش مسائل حل کرنے کی ہدایت
October 21, 2020 11:14 pm

 اسلام آباد (92 نیوز) وزیرِ اعظم عمران خان نے کورونا کے باعث صنعتی شعبے کو درپیش مسائل  ترجیحی بنیادوں پر حل  کرنے کی ہدایت کر دی۔ وزیرِ اعظم عمران خان کی زیر صدارت صنعتی عمل کے فروغ ، چھوٹی اور درمیانی درجے کی صنعتوں کو درپیش مسائل اور حل کے حوالے سے اجلاس ہوا۔ اجلاس میں وفاقی وزراء محمد حماد اظہر، اسد عمر، عمر ایوب خان، مشیر تجارت عبدالرزاق داؤد شریک ہوئے۔ معاونین خصوصی ندیم بابر،  تابش گوہر،  سیکرٹری خزانہ، سیکرٹری توانائی، سیکرٹری پٹرولیم و دیگر سینئر افسران نے بھی اجلاس میں شرکت کی۔ اجلاس میں صنعتوں خصوصاً چھوٹی اور درمیانے درجے کی صنعتوں کو درپیش مسائل کے حل کے سلسلے میں  مختلف تجاویز زیر غور آئیں۔ اعلیٰ سطح اجلاس سے خطاب کرتے ہوئے وزیرِ اعظم نے کہا ملکی ترقی صنعتی عمل کے فروغ سے وابستہ ہے۔ موجودہ معاشی حالات اور خصوصاً کورونا کی وجہ سے ہونے والے نقصانات سے صنعتی شعبے اور بالخصوص چھوٹی اور درمیانی صنعت کو بچانا ضروری ہے۔ صنعتی شعبے کو درپیش مسائل کا ترجیحی بنیادوں پر حل تلاش کیا جائے اور ان کو ہر حوالے سے سہولت فراہم کی جائے۔

رابطہ کیجیے