نیو یارک میں فائرنگ سے چار افراد ہلاک

نیو یارک ‏ فائرنگ ‏ چار افراد ہلاک ‏ ‏92 نیوز ‏ بروکلین ‏ ویکس ویلے نجی سوشل کلب
۱۲ اکتوبر, ۲۰۱۹ ۹:۴۶ شام

نیو یارک ( 92 نیوز ) امریکا کے شہر نیو یارک میں فائرنگ سے چار افراد ہلاک اور تین زخمی ہو گئے ، زخمیوں میں ایک خاتون بھی شامل ہے ۔

امریکا کے شہر نیو یارک میں  ہفتے کی صبح بروکلین کے علاقے ویکس  ویلے میں واقع ایک نجی سوشل کلب میں فائرنگ  کا واقعہ پیش آیا ،جہاں ایک مسلح شخص کلب میں داخل ہوا اور  فائرنگ شروع کر دی ۔

نامعلوم شخص کی فائرنگ سے  کلب میں موجود چار افراد موقع پر ہی ہلاک ہو گئے جب کہ ایک خاتون سمیت تین افراد زخمی ہو گئے جنہیں اسپتال منتقل کر دیا گیا۔

نامعلوم شخص فائرنگ کے بعد موقع سے فرار ہونے میں کامیاب ہو گیا ،  پولیس نے علاقے کو گھیرے میں لے کر تفتیش شروع کر دی ، تاحال کوئی گرفتاری عمل میں نہ آسکی ۔

تازہ ترین ویڈیوز