مالدیپ کے سابق صدر عبداللہ یامین پر منی لانڈرنگ کا الزام ثابت ہو گیا


مالدیپ، سابق صدر، عبداللہ یامین، منی لانڈرنگ، الزام ثابت، مالی، 92 نیوز
۲۸ نومبر, ۲۰۱۹ ۶:۰۰ شام

مالی (92 نیوز) مالدیپ کے سابق صدر عبداللہ یامین پر منی لانڈرنگ کا الزام ثابت ہو گیا۔ فوجداری عدالت نے سابق صدر کو 5 سال قید اور 5 ملین ڈالر جرمانے کی سزا سنا دی۔

عبداللہ یامین پر الزام تھا کہ انہوں نے اپنے دور صدارت میں ملک کے متعدد جزیروں کی لیز کی مد میں پرائیویٹ کمپنی کے ذریعے ملکی خزانے سے غیر قانونی طور پر 1ملین ڈالر حاصل کئے تھے، جزیروں کو ہوٹل ڈویلپمنٹ کیلئے لیز پر دیا گیا تھا۔

فوجداری عدالت میں یہ الزام سچ ثابت ہوا،جس کے بعد عدالت نے پہلے سے زیر حراست سابق صدر کو 5 سال قید اور 5 ملین ڈالر جرمانے کی سزا سنا دی۔

عبداللہ یامین کے وکیل نے عدالتی فیصلے کو چیلنج کرنے کا اعلان کر دیا ہے۔

تازہ ترین ویڈیوز