لاہور کالج فار ویمن یونیورسٹی کو شمسی توانائی پر منتقل کرنے کا معاہدہ


LCWU
16 ستمبر, 2020 11:50 دن

لاہور ( 92 نیوز) لاہور کالج فارویمن یونیورسٹی کو شمسی توانائی پر منتقل کرنے کامعاہدہ  ،  ایل سی ڈبلیو یو اور پی ای سی اے نےانرجی سروس کمپنی ماڈل پرمنتقل کرنےکامعاہدہ کیا۔

شمسی پینل سسٹم کی فراہمی اور انسٹالیشن کیلئے مفاہمت کی یادداشت پر دستخط ہوئے ، یونیورسٹی اپنےتمام شعبوں ، ہاسٹلز اور رہائشی کالونی کو بتدریج شمسی توانائی پرمنتقل کرےگی۔

یونیورسٹی پیپرا رولز کے تحت ای ایس سی او کے ساتھ معاہدے کر کے ایک  سال میں شمسی توانائی پرمنتقل ہوگی ۔ ایس سی او شمسی پینل سسٹم کو ڈیزائن،انسٹال،فنانس  اور چلانے کا ذمہ دارہوگا ۔  

وائس چانسلر ڈاکٹر بشریٰ  مرزا کے مطابق یونیورسٹی کوشمسی توانائی پرمنتقل کرنےکامعاہدہ محکمہ توانائی پنجاب سےکیا گیا ، شمسی نظام کی تنصیب زیرو رننگ لاگت کےساتھ ایک قابل ذکر کامیابی ہوگی ۔ شمسی نظام ماحول دوست ہوگا جبکہ  یونیورسٹی کےبجلی کےبلوں میں زبردست کمی آئےگی۔

پروفیسرڈاکٹربشریٰ مرزا کے مطابق  ڈین فیکلٹی آف انجینئرنگ اینڈٹیکنالوجی پروفیسرڈاکٹرانتصار احمدپراجیکٹ کے فوکل پرسن ہوں گے  ۔ لیکچرار الیکٹریکل انجینئرنگ ڈیپارٹمنٹ  محمد عمر رانا بطورٹیم ممبرپراجیکٹ کاحصہ ہوں گے۔

تازہ ترین ویڈیوز