Friday, January 22, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

لانڈھی میں فیکٹری گودام میں لگنے والی آگ تاحال بے قابو

لانڈھی میں فیکٹری گودام میں لگنے والی آگ تاحال بے قابو
December 16, 2019
کراچی ( 92 نیوز) کراچی کے علاقے لانڈھی  میں پلاسٹک بنانے والی فیکٹری کے گودام میں لگنے والی آگ 8 گھنٹے سے زائد وقت گزر جانے کے بعد بھی بے قابو ہے  ، صبح  ساڑھے 6 بجے لگنے والی آگ کو تیسرے درجے کی قرار دے دیا گیا ہے  جبکہ 8 سے زائد گاڑیوں کی مدد سے آگ بجھانے کی کوشش جاری ہے ۔ 24 گھنٹے میں  کراچی میں آتشزدگی کا دوسرا خوفناک واقعہ  لانڈھی ایکسپورٹ پراسیسنگ زون میں پلاسٹک بنانے والئی فیکٹری کے گودام میں پیش آیا ،   شعلوں نے گودام کو اپنی لپیٹ میں لیا اور  اور علاقہ آسمان سے باتیں کرتے دھویں میں تبدیل ہوگیا ۔ فیکٹری کے گودام کو آگ صبح سویرے لگی  ، شدت زیادہ ہونے کی وجہ سے پورا گودام شعلوں کی لپیٹ میں آگیا اور دیواریں بھی گرنے لگیں  ، جبکہ دھویں کی شدت کے باعث فائر فائٹرز کو سانس لینے اور آگ بجھانے میں شدید مشکلات کا سامنا رہا ۔ عینی شاہد کے مطابق فیکٹری کے پاس موجود کچرا  آگ کی وجہ بنا  ، آگ بجھانے کیلئے آنے والا ایک فائر ٹینڈر بھی جواب دے گیا  اور عملہ کو دھکے لگاکر کام چلانا پڑا  ، فائر بریگیڈ حکام نے آگ کو تیسرے درجے کی قرار دیا ۔ حکام نے بتایا کہ آگ کی اطلاع ڈیڑھ گھنٹے بعد موصول ہوئی  ، واٹر بورڈ نے بھی تمام ہائیڈرنٹس پر ایمرجنسی نافذ کردی اور 10 سے زائد ٹینکرز کی مدد سے پانی فراہمی یقینی بنائی ۔