Thursday, May 6, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

قومی کرکٹ ٹیم کے کپتان بابر اعظم نے ویرات کوہلی سے ون ڈے میں پہلی پوزیشن چھین لی

قومی کرکٹ ٹیم کے کپتان بابر اعظم نے ویرات کوہلی سے ون ڈے میں پہلی پوزیشن چھین لی
April 14, 2021

دبئی (92 نیوز) قومی کرکٹ ٹیم کے کپتان بابر اعظم نے ویرات کوہلی سے ون ڈے میں پہلی پوزیشن چھین لی ۔ بابر اعظم ون ڈے میں بلے بازوں کی فہرست میں پہلے نمبر پر آگئے۔

بابر نے آئی سی سی ون ڈے رینکنگ میں ویرات کوہلی کو دوسری پوزیشن  پر  دھکیل  دیا اور  پہلے نمبر پر قبضہ جما لیا ۔ قومی کپتان    کوہلی کا ون ڈے میں سب سے کم اننگز میں 11 سنچریاں بنانے کا ریکارڈ بھی توڑ چکے ہیں۔

بابر اعظم نے اپنے چھ سالہ   کیرئیر میں اپنی صلاحیتوں کا لوہا منوایا  اور دنیائے کرکٹ کے  بڑے بڑے بلے بازوں کو پیچھے چھوڑ دیا۔ بابر اعظم نے لیجنڈری بلے باز ظہیر عباس کا ون ڈے  میں پاکستان کی جانب سے  تیز ترین دو ہزار رنز بنانے کا ریکارڈ برابر کیا۔

قومی کپتان  ٹوئنٹی رینکنگ میں تیسرے اور ٹیسٹ میں چھٹے نمبر پر براجمان ہیں۔ بیٹنگ رینکنگ  میں فخر زمان ترقی کرتے ہوئے ساتویں پوزیشن پر پہنچ گئے ۔ باؤلرز میں محمد عامر دسویں  جبکہ آل راؤنڈرز میں عماد وسیم ساتویں نمبر پر موجود ہیں۔