قبضہ مافیا کا تعلق کسی بھی سیاسی جماعت یا فرد سےہو ، ایکشن لیں ،وزیر اعظم

اسلام آباد (92 نیوز) حکومت کیخلاف تحریک عدم اعتماد لانے کا آپشن پیپلز پارٹی اور ن لیگ کی دوریاں بڑھانے لگا، احسن اقبال نے بلاول بھٹو زرداری کے تحریک عدم اعتماد کے اعلان پر سوال اٹھا دیا۔ رانا ثنا اللہ نے تو اپنے ہی پارٹی رہنما کے بیان کی نفی کردی جبکہ پی ڈی ایم کے رہنماوں کی اختلاف رائے بھی منظر عام پر آگئی۔

کراچی (92 نیوز) کراچی پولیس نے دہشتگردوں کا سہولت کار گرفتار کرلیا ، ملزم دہشتگردوں کو دستی بم فراہم کرتا تھا جبکہ ایم کیو ایم لندن کے ٹارگٹ کلر نے سی ٹی ڈی کے سامنے اپنے جرائم کا اعتراف کر لیا۔

کراچی (92 نیوز) وفاقی وزیر علی زیدی اور وزیر اعلیٰ سندھ میں ٹھن گئی ، کراچی کی بہتری پر اجلاس میں علی زیدی نے مراد علی شاہ سے بدکلامی کی جس پر وزیر اعلیٰ سندھ نے وزیر اعظم کو خط لکھ دیا۔

اسلام آباد (92 نیوز) وزیراعظم عمران خان سے خواتین ارکان پارلیمنٹ عاصمہ قدیر اور غلام بی بی بھروانا نے ملاقات کی ۔ سیاسی صورتحال اور خواتین کو درپیش مسائل سے متعلق امور پربات چیت کی گئی۔

اسلام آباد (92 نیوز) ایل این جی ٹینڈر ڈیفالٹ پاکستان کیلئے رحمت بن گیا۔ ایل این جی کے دو فوری متبادل ٹینڈرز عالمی منڈی میں قیمتیں کم ہونے کے باعث کم قیمت پر مل گئے۔ ترجمان وزارت پٹرولیم کا کہنا ہے کہ نیا ایل این جی کارگو پہلے کارگو سے 22 فیصد کم قمیت پر خریدا گیا۔

اسلام آباد (92 نیوز) الیکشن کمیشن نے سینٹ انتخابات کی تیاریاں شروع کردیں۔ پولنگ عملہ کی دو مرحلوں میں تربیت ہوگی ،،پہلے بیج کی ٹریننگ آئندہ ہفتے سے شروع کی جائے گی۔

اسلام آباد (92 نیوز) فارن فنڈنگ کیس میں اسکروٹنی کمیٹی کی کارروائی اوپن نہیں ہوگی، الیکشن کمیشن نے واضح کردیا۔

اسلام آباد (92 نیوز) پاکستان میں کورونا کی دوسری لہر جاری ہے۔ ایک دن میں 43 افراد جان کی بازی ہار گئے۔ سندھ اور پنجاب میں اموات سب سے زیادہ ہے۔ گذشتہ 24 گھنٹوں میں 1 ہزار 927 نئے کیسز سامنے آئے۔ ملک بھرمیں ایکٹو کیسز 35 ہزار سے تجاوز کر گئے۔