Wednesday, November 25, 2020
Urdu Web Newspaper 92news Live(UK) 92news Live(PK)
Urdu Web Newspaper
92news Live(UK) 92news Live(PK)

فضل الرحمٰن کی زیر قیادت آزادی مارچ 27 اکتوبر کو صبح 10بجے کراچی سے شروع ہو گا

فضل الرحمٰن کی زیر قیادت آزادی مارچ 27 اکتوبر کو صبح 10بجے کراچی سے شروع ہو گا
October 24, 2019 06:53 pm

 سکھر (92 نیوز) فضل الرحمٰن کی زیر قیادت آزادی مارچ 27 اکتوبر کو صبح 10 بجے کراچی سے شروع ہوگا۔

سکھر میں جے یو آئی کی مرکزی مجلس عاملہ کا اجلاس ہوا۔ مولانا فضل الرحمٰن نے پریس کانفرنس کرتے ہوئے کہا دو ماہ تک بھی اسلام آباد میں رہنا پڑا تو رہیں گے۔ مزدور سے چھابڑی والے تک  سب مارچ میں شریک ہونا چاہتے ہیں۔ اس الیکشن کو نہیں مانتے ۔ مذاکراتی کمیٹی کو چاہئے کہ وہ عمران خان کا استعفیٰ ساتھ لائے۔

فضل الرحمٰن کا کہنا ہے حکومت نے کشمیر کا سودا کر دیا۔ 27 اکتوبر کو کشمیریوں سے اظہار یکجہتی کریں گے۔ 31 اکتوبر کو اسلام آباد داخل ہوں گے۔ حکومت کے خاتمے کیلئے دو ماہ بھی رکنا پڑا تو رکیں گے۔

فضل الرحمٰن نے کہا عمران خان نے استعفیٰ نہ دیا تو قوم لے لے گی۔ حکومتی مذاکراتی کمیٹی کا لہجہ ٹھیک نہیں تھا۔ کمیٹی اب عمران خان کا استعفیٰ ساتھ لائے۔ دھاندلی زدہ الیکشن کو نہیں مانتے۔

 انہوں نے کہا قوم متفق ہے کہ موجودہ حکمران حکومت کرنے کے قابل نہیں۔ آزادی مارچ میں مزدور، ڈاکٹر، اساتذہ سمیت ہر مکتبہ فکر کے لوگ شریک ہوں گے۔ حکومت نے کہا مارچ میں رکاوٹ نہیں بنے گی لیکن راستے بند کئے جارہے ہیں۔

Contact Details