فاسٹ باؤلر محمد عامر نے ٹیسٹ کرکٹ سے ریٹائرمنٹ کا اعلان کر دیا


فاسٹ باؤلر محمد عامر ٹیسٹ کرکٹ ریٹائرمنٹ اعلان
۲۶ جولائی, ۲۰۱۹ ۳:۲۵ شام

 لاہور (92 نیوز) فاسٹ باؤلر محمد عامر نے ٹیسٹ کرکٹ سے ریٹائرمنٹ کا اعلان کر دیا۔

محمد عامر کا کہنا تھا ٹیسٹ کرکٹ میں پاکستان کی نمائندگی اعزاز ہے۔ آئی سی سی ورلڈ ٹی ٹوینٹی اور ون ڈے میچوں کیلئے فارم اور فٹنس برقرار رکھنے کی کوشش کروں گا۔ انہوں نے کہا ٹیسٹ کرکٹ سے علیحدگی اختیار کرنے کا فیصلہ آسان نہیں تھا۔

فاسٹ باؤلر محمد عامر کا شمار موجودہ دور کے بہترین ٹیسٹ بولرز میں ہوتا ہے۔ محمد عامر نے جولائی 2009 میں سری لنکا کے خلاف گال ٹیسٹ میں اپنے ٹیسٹ کیریئر کا آغاز کیا تھا۔ محمد عامر نے 36 ٹیسٹ میچوں میں 30 کی اوسط سے 119 وکٹیں حاصل کیں۔ اپریل 2017 میں ویسٹ انڈیز کے خلاف کنگسٹن میچ میں 44 رنز کے عوض 6 وکٹیں حاصل کیں۔

تازہ ترین ویڈیوز