عید الفطر پر پاکستانی فلمیں ”رانگ نمبر2،،اور’’چھلاوہ ملک بھر کے سینماؤں کی زینت بنیں گی

عید الفطر ، پاکستانی فلمیں، ”رانگ نمبر2،،، ’’چھلاوہ ، سینماؤں ، زینت
۱۵ مئی, ۲۰۱۹ ۱۱:۵۹ شام

 لاہور (92 نیوز) عید الفطر کی رونقوں کو چار چاند لگانے کے لئے پاکستانی فلمیں  ”رانگ نمبر2،،اور’’چھلاوہ ملک بھرکے سینماؤں کی زینت بنیں گی۔

عیدالفطرپر کھڑکی توڑ رش کی توقعات لئے رانگ نمبر 2 اور چھلاوہ ملک بھرمیں نمائش کے لئے ہیں تیار۔ ڈائریکٹر یاسر نواز  کی  فلم ”رانگ نمبر2،،ڈسٹری بیوشن کلب کے پلیٹ فارم سے ملک بھر کے سینماؤں کی زینت بنے گی۔

فلم میں اداکارہ نیلم منیر اور سمیع خان مرکزی کردار نبھا رہے ہیں۔ تفریح سے بھرپور فلم کا میوزک بھی شائقین کی جانب سے پسند کیا جارہا ہے۔

عید پر ریلیز ہونے والی دوسری بڑی  فلم ’چھلاوا میں اداکارہ مہوش حیات نے ایسی لڑکی کا کردار نبھایا ہے جس کی شادی اس کی مرضی کے بغیر ہورہی ہے۔

فلم میں آئٹم سانگ، تفریح، طنز و مزاح اور رقص سمیت  سارے ہی تڑکے ہیں۔

تازہ ترین ویڈیوز