سنسناٹی اوپن ٹینس ، سوئس ٹینس اسٹار راجرفیڈرر کو اپ سیٹ شکست

سنسناٹی اوپن ٹینس سوئس ٹینس اسٹار راجرفیڈرر اپ سیٹ شکست
۱۶ اگست, ۲۰۱۹ ۷:۵۹ شام

 کولمبس (92 نیوز) سنسناٹی اوپن ٹینس میں سوئس ٹینس اسٹار راجرفیڈرر کو اپ سیٹ شکست ہو گئی۔ روس کے آندرے روبلف نے اسٹریٹ سیٹس سے مقابلہ اپنے نام کیا۔

سنسناٹی اوپن ٹینس میں کانٹے کے مقابلے جاری ہیں۔ اپ سیٹ شکستوں نے ایونٹ کو مزید دلچسپ بنا دیا۔

سوئس ٹینس اسٹار راجر فیڈرر کا ٹورنامنٹ میں سفر اختتام پذیر ہو گیا۔ سوئس ٹینس اسٹار  کو پری کوارٹر فائنل میں روس کے آندرے روبلفAndrey Rublev نے اسٹریٹ سیٹس سے شکست دی ۔

رشین ٹینس پلئیر نے سوئس ٹینس اسٹار کو میچ میں مکمل طور پر بے بس کیے رکھا اور کھل کر کھیلنے کا موقع نہ دیا۔ روبلاف نے چھ، تین اور چھ، چار سے میچ جیت کر کوارٹر فائنل مرحلے کے لیے کوالیفائی کر لیا۔

سربیا کے نواک جوکوچ نے اسپین  کیرینوبسٹاCarrenoBusta کو چھ،تین اور چھ،چار سے شکست دے کر کوارٹر فائنل کا ٹکٹ کٹوایا۔

تازہ ترین ویڈیوز