Friday, January 22, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

سندھ حکومت نے کاروباری اوقات کار سے متعلق فیصلہ واپس لے لیا

سندھ حکومت نے کاروباری اوقات کار سے متعلق فیصلہ واپس لے لیا
November 26, 2020

کاروبار شام 6 کی بجائے رات 8 بجے تک کھلے رکھے جا سکیں  گے۔ جمعہ کے دن کاروبار بند رکھنے کا حکمنامہ بھی معطل کر دیا گیا۔ سندھ بھر میں جمعے کو بھی چھوٹی بڑی مارکیٹس  اور شاپنگ پلازے کھلے رہیں گے۔

کراچی میں ایم کیو ایم رہنماؤں کے ہمراہ پریس کانفرنس کرتے ہوئے تاجروں نے مارکیٹیں کھلی رکھنے کیلئے حکومت سے دورانیہ بڑھانے کا مطالبہ کیا تھا۔ تاجر برادری نے کورونا کیخلاف حکومت سے تعاون کا بھی یقین دلایا ۔

ایم کیوایم پاکستان کے سربراہ خالد مقبول صدیقی کا کہنا تھا کہ وفاق کا کام صرف اختیارات نہ ہونے کا اعلان کرنا نہیں بلکہ اختیارات لینے کیلئے قانون سازی کرکے فوری فیصلے کیے جائیں ۔

ڈاکٹر خالد مقبول صدیقی نے کہا تھا کہ سندھ میں سندھو دیش حکومت کا قبضہ ہے ۔ اب کراچی کے لوگ کورونا وائرس کے بچاؤ کیلئے خود فیصلہ کریں گے۔