خورشید شاہ کی طبیعت پھر ناساز، انجیو گرافی کی گئی


خورشید شاہ، طبیعت پھر ناساز، انجیو گرافی، چیئرمین نیب، سکھر، 92 نیوز
۳۱ اکتوبر, ۲۰۱۹ ۱۱:۲۸ شام

سکھر (92 نیوز) آمدن سے زائد اثاثہ جات کیس میں گرفتار سید خورشید شاہ کی طبیعت پھر ناساز ہونے پراین آئی سی وی ڈی سکھر لایا گیا، ڈاکٹر ندیم قمر نے انجیو گرافی کی اور ادویہ دیں۔

ادویہ کے استعمال سے خورشید شاہ کی طبیعت میں بہتری آئی، نیب سکھر کے سینئر افسربھی اسپتال میں موجود رہے۔

خورشید شاہ کی این آئی سی وی ڈی میں انجیو گرافی سے متعلق چیئرمین نیب جسٹس جاوید اقبال کو آگاہ رکھا گیا، پیپلزپارٹی کے رہنماء کی کامیاب انجیو گرافی کی رپورٹ چیئرمین نیب کو بھجوادی گئی۔

اسپتال ذرائع کے مطابق خورشید شاہ کی مسلسل بگڑتی طبیعت، دل کی شریانوں پر بڑھتے دبائو کے باعث انجیو گرافی کا فیصلہ کیا گیا۔

تازہ ترین ویڈیوز