Monday, November 30, 2020
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی
رجحان

خورشید شاہ کی رہائی  کا احتساب عدالت کا فیصلہ  معطل

خورشید شاہ کی رہائی  کا احتساب عدالت کا فیصلہ  معطل
December 23, 2019 11:57 am

سکھر ( 92 نیوز ) سندھ ہائیکورٹ کے سکھر بینچ نے خورشید شاہ کی رہائی  کے احتساب عدالت کے فیصلے کو معطل کر دیا ،  ہائیکورٹ نے احتساب عدالت کے فیصلے کو 16 جنوری تک کے لئے معطل کیا ۔ سندھ ہائیکورٹ سکھر بینچ میں  پیپلزپارٹی کے سینئر رہنما خورشید شاہ کی رہائی  کے خلاف دائر نیب کی درخواست پر سماعت ہوئی ۔دوران سماعت عدالت نے استفسار کیا کہ  خورشید شاہ کیوں پیش نہیں ہوئے  جس پر خورشید شاہ کے وکیل نے جواب دیا کہ انہیں کوئی نوٹس نہیں ملا۔ نیب کی جانب سے عدالت کو بتایا گیا کہ  خورشید شاہ کے گھر پر نوٹس د یدیا تھا ،  ملزم کے وکیل نے عدالت کو بتایا کہ خورشید شاہ جیل میں ہیں ، نوٹس جیل حکام کو دینا چاہئے تھا ۔ عدالت نے  آئندہ سماعت تک احتساب عدالت کا فیصلہ معطل کرتے ہوئے  ریمارکس دیے کہ آئندہ سماعت پر فریقین کے دلال سنیں گے ۔ کیس کی سماعت 16 جنوری تک معطل کر دی  گئی ۔

رابطہ کیجیے