Sunday, March 7, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

جہلم کے علاقے کالا گجراں کا رضا خان مسیحا کا منتظر

جہلم کے علاقے کالا گجراں کا رضا خان مسیحا کا منتظر
November 21, 2020

جہلم (92 نیوز) جہلم کے علاقے کالا گجراں کا رہائشی رضا خان کنبے کا واحد کفیل ہے، دوسال پہلے دل اور سانس کی تکلیف نے اسے چارپائی پر لگا دیا، بیمار شہری خاندان کا پیٹ پالنے اور علاج کے لیے کسی مسیحا کا منتظر ہے۔

کالا گجراں کا رہائشی رضا خان بیماری کے باعث بے بسی کی تصویر بن گیا ۔ دو برس قبل رضاخان کا بیٹا اور بہو حادثے میں چل بسے تھے ، بیوی اور پانچ پوتے پوتیوں کے ساتھ کرائے کے گھر میں رہنے والا رضا خان دل اور سانس کی تکلیف کی وجہ سے کوئی کام کرسکتا ہے نہ  اس کے پاس علاج کے لیے  کوئی جمع پونجی ہے ۔

  رضا خان  کے پوتوں اور پوتیوں کو تعلیم حاصل کرنے کا بہت شوق ہے مگر غربت کی وجہ سے وہ تعلیم سے محروم ہیں ، رضا خان اور اہل خانہ نے مخیر حضرات اور حکومت سے مالی مدد کی اپیل کی ہے تاکہ خاندان کا پیٹ پالنے کے ساتھ ساتھ وہ اپنا علاج اور بچوں کو تعلیم بھی دلوا سکے۔