Saturday, May 15, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

تھام لیں اُن ہاتھوں کو، ڈور سانسوں کی ٹوٹنے سے پہلے

تھام لیں اُن ہاتھوں کو، ڈور سانسوں کی ٹوٹنے سے پہلے
April 4, 2021

بے بسی، بے کسی اور بیچارگی سے منسوب کلام !

 

ہاتھوں کی کپکپاہٹ

ْقدموں کی لڑ کھڑاہٹ،

گھٹتی سانسیں ،، بے پناہ گھبراہٹ

ڈگمگا گیا ہے وجود ہی سارا

ہو چکی ہے غائب ،

تھی جو چہرے پہ مسکراہٹ

.

.

عجب قیامت ٹوٹی ہے

اُن محنت کش، مزدوروں پر

نہ آٹا، شکر۔۔۔ نہ دال ، مٹر

ہیں بھوک سے کئی شکم خالی

تھے جو کل تک برسرِروزگار،

وہ آج بن گئے ہیں سوالی

.

.

معصوم چہرے بچوں کے

ہیں نگاہوں کے سامنے،

مادر ، پدر کی بے بسی

ہے نوحہ کناں ہواﺅں میں،

لب خاموش ہیں، کوئی مدد مانگنے کو

مگر دلوں کی افسردگی ،

بھانپ لی ہے فضاﺅں نے

تبھی تو بے رنگ ہیں آج سارے نظارے

زوروں پر حدّتِ آفتاب

چاند کی مدھم روشنی،

بے نور ہیں ستارے!

.

.

بوجھء  زیست نہ سہار سکیں گے

بہت دنوں تک یہ شکم بھوکے

پھر ٹوٹے کی ڈور سانسوں کی ایسے ،

جھڑ جاتے ہیں شجر سے جیسے

خزاں میں پتے سوُکھے!

.

.

اے خدا ، سُن لے دعا

ہم امّتی ہیں تیرے حبیب ﷺ کے ،

ہے جو داتا دو جہاں کا

ہو نظرِ کرم بے کسوں ، مجبوروں پر

دیکھ اب تجھے واسطہ ہے۔ ۔ ۔،

غریبِ  نینوا کا!

کاشف شمیم صدیقی