بل گیٹس بھی وزیر اعظم عمران خان کے اسمارٹ لاک ڈاؤن کے معترف


bill-gates-coronavirus-flattern-curve
10 اگست, 2020 4:12 شام

اسلام آباد ( 92 نیوز) مائیکرو سافٹ کے بانی بل گیٹس بھی وزیراعظم عمران خان کے اسمارٹ لاک ڈاؤن کے معترف نکلے ،کہا کہ بہتر حکمت عملی سے پاکستان میں بھی یورپی ممالک کی طرح کورونا کیسز کا گراف نیچے گررہا ہے۔

مائیکروسافٹ کےبانی بل گیٹس نے  امریکی نشریاتی ادارے سی این این کو انٹرویو میں  ایک جانب جہاں کورونا پرامریکی پالیسیوں کوتنقید کا نشانہ بنایا،وہیں پاکستانی وزیراعظم عمران خان کے سمارٹ لاک ڈاؤن کو بھی خوب سراہا۔

بل گیٹس کہتے ہیں شروع میں کراچی میں کورونا کا پھیلاؤ بہت تیز تھا، مگر پھر صورتحال میں بہتری ہوئی، اب پاکستان میں بھی یورپی ممالک کی طرح کورونا متاثرین کا گراف نیچے کی جانب جارہا ہے۔

بل گیٹس کا کہنا تھا کہ بھارت کی صورتحال اس کے برعکس ہے، جہاں کورونا مریضوں کی تعداد میں تیزی سے اضافہ ہورہا ہے ، مائیکروسافٹ کے بانی نے اس حوالے سے امریکی پالیسیوں کو بھی تنقید کا نشانہ بناتے ہوئے زیادہ ٹیسٹنگ کرنے پر زور دیا۔

تازہ ترین ویڈیوز