انڈیا میں انتخابات آتے ہیں تو اسی طرح کے الزامات لگائے جاتے ہیں، نعیم الحق

مقبوضہ کشمیر منفی پراپیگنڈے نعیم الحق ڈاکٹرمحمد فیصل
۱۵ فروری, ۲۰۱۹ ۳:۱۹ شام

 اسلام آباد (92 نیوز) مقبوضہ کشمیر حملے میں پاکستان کو ملوث کرنے کا بھارتی منفی پراپیگنڈے کا پاکستانی سیاستدانوں نے بھارت کو کرارا جواب دیا۔ وزیراعظم کے معاون خصوصی نعیم الحق نے کہا جب بھی انتخابات قریب آتے ہیں بھارت اسی طرح کے الزامات لگاتا ہے۔

وزیراعظم کے معاون خصوصی نعیم الحق نے اسلام آباد میں میڈیا سے گفتگو کرتے ہوئے کہا ہے کہ جب بھی انڈیا میں انتخابات آتے ہیں بھارتی ایجنسیاں خود حملہ کراتی ہیں اور الزام پاکستان پر لگا دیا جاتا ہے۔

چئیرمین قائمہ کمیٹی داخلہ رحمان ملک نے پریس کانفرنس میں کہا کشمیر واقعہ کی تحقیقات بھی بھارتی در اندازی کو ثابت کریں گی۔ بھارت آئندہ انتخابات میں مودی کو مدد کرنے کے لئے منفی ہتھکنڈے استعمال کر رہا ہے۔

ترجمان دفترخارجہ ڈاکٹرمحمد فیصل نے اپنے ٹویٹ میں  کہا ہے کہ  پاکستان نے ہمیشہ وادی میں تشدد کی کارروائیوں کی مذمت کی ہے۔ ترجمان نے بھارتی حکومت  کے الزامات کو مسترد کرتے ہوئے کہا کہ بھارت تحقیقات کئے بغیر حملے کو پاکستان سے منسلک نہ کرے۔

تازہ ترین ویڈیوز