انڈونیشیا میں صدارتی ،پارلیمانی اور بلدیاتی انتخابات میں پولنگ کا عمل جاری ‏

انڈونیشیا میں صدارتی ،پارلیمانی اور بلدیاتی انتخابات میں پولنگ کا عمل جاری ‏
۱۷ اپریل, ۲۰۱۹ ۱۱:۰۷ دن

جکارتہ ( 92 نیوز ) مسلم اکثریتی ملک انڈونیشیا  میں صدارتی،پارلیمانی اوربلدیاتی انتخابات کاانعقادآج سےہورہاہے، ملک کے بیشتر حصوں میں پولنگ کا عمل شروع ہوچکا ہے ، موجودہ صدر جوکوویدودو اورسابق جنرل پرابووو سوبیانتو میں سخت مقابلہ متوقع ہے۔

الیکشن کمیشن حکام کے مطابق پولنگ کا عمل مقامی وقت کے مطابق صبح سات بجے شروع ہوا ، ملک بھرمیں  19کروڑ ووٹرزحق رائے دہی استعمال کریں گے جبکہ مجموعی طورپردولاکھ 45 ہزارامیدوارمیدان میں ہیں۔

انڈونیشیا کے ووٹرزپہلی مرتبہ صدر، نائب صدر اور پارلیمنٹ کاانتخاب ایک ہی دن کریں گے ، رائے عامہ کے جائزوں کے مطابق صدر ویدودو کواپنے حریف امیدوارپربرتری حاصل ہے۔

انتخابی عمل میں شریک نوسیاسی جماعتوں نے جوکو ویدودو اور چار سیاسی پارٹیوں نے سوبیانتو کی حمایت کا اعلان کیا ہے۔

تازہ ترین ویڈیوز