Wednesday, June 23, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

اسلام آباد ہائیکورٹ نے نوازشریف اور مریم نواز کی اپیلیں مقرر کرنے کی نیب کی درخواستیں نمٹا دیں

اسلام آباد ہائیکورٹ نے نوازشریف اور مریم نواز کی اپیلیں مقرر کرنے کی نیب کی درخواستیں نمٹا دیں
April 13, 2021

اسلام آباد (92 نیوز) اسلام آباد ہائیکورٹ نے العزیزیہ اورایوان فیلڈ ریفرنسز میں نوازشریف، مریم نواز ، کیپٹن صفدر اور نیب کی زیرالتوا اپیلیں جلد سماعت کے لیے مقرر کرنے کی درخواستیں نمٹا دیں۔

دوران سماعت جسٹس عامر فاروق نے ریمارکس دیئے کہ نواز شریف تو مفرور ہیں۔ ان کا کوئی نمائندہ مقرر کرنا ہے۔ نیب معاونت کرے کہ انکی دونوں اپیلوں کو کیسے چلانا ہے۔ نواز شریف کا کوئی نمائندہ مقرر کرنا ہے۔ تمام اپیلیں سنی تو اکٹھی ہی جائیں گی، الگ نہیں کر سکتے۔

پراسیکیوٹرجنرل نے بتایا کہ سپیشل پراسیکیوٹر نیب جہانزیب بھروانہ کورونا وائرس کا شکار ہو گئے ہیں۔ ڈپٹی پراسیکیوٹر جنرل سردار مظفر میں بھی کورونا کی علامات ہیں۔ اس وجہ سے وہ دونوں پیش نہیں ہو سکے۔