اردو ادب کے روشن ستارے ابن انشا کی آج 41 ویں برسی آج منائی جا رہی ہے

ابن انشاء شیر محمد خان مزاح نگار سفر نامہ نگار انشا جی اٹھو اب کوچ کرو
۱۱ جنوری, ۲۰۱۹ ۱۲:۱۳ شام

 کراچی (92 نیوز) دنیائے ادب میں کچھ نام ایسے بھی ہیں جن کا نام تاریخ میں امر ہو گیا انہی میں ایک نام ابن انشاء کا بھی ہے۔

ابن انشاء 1927 کو بھارتی صوبہ پنجاب میں پیدا ہوئے۔ ان کا اصل نام شیر محمد خان تھا۔ یوں تو ابن انشاء کی پہچان مزاح نگار اور سفر نامہ نگار کی حیثیت سے ہے لیکن وہ ایک منفرد شاعر بھی تھے۔

زمانہ طالب علمی میں روز نامہ انجام سے باتیں انشا جی کی کے عنوان سے کالم نگاری کا آغاز کیا۔ انیس سو پچپن میں پہلا مجموع کلام چاند نگر شائع ہوا۔

انشا جی اٹھو اب کوچ کرو ، اس غزل نے انہیں شہرت کی بلندیوں پر پہنچا دیا۔  ان کی تحریروں میں چلتے ہو تو چین تک چلیے، آوارہ گرد کی ڈائری اور دنیا گول ہے، قابل ذکر ہیں۔

اردو ادب کا یہ ستارہ 11 جنوری انیس سو اٹھتتر کو اس دار فانی سے کوچ کر گیا۔

تازہ ترین ویڈیوز